LG хамгийн жижиг хэмжээтэй P220 нөүтбүүкээ Солонгосын зах зээл дээр гаргажээ. 12,5 инчийн өргөн дэлгэцтэй бөгөөд олон хэрэглэгч дэлгэц рүү өөр өөр өнцгөөс харахад өнгө дүрсээ алдахгүй харуулдаг.

АНУ-ын РayPal корпораци усан дээр байгуулах бичил хотын төлөвлөгөөг олон улсын эрдэмтдэд танилцуулжээ. Тус корпорацийг үүсгэн байгуулагч, тэрбумтан Петер Тиелийн санаачилгаар Seasteading хүрээлэнгийн эрдэмтэд хөвөгч хотхоны загварыг бүтээсэн байна. Хүрээлэнгийн эрдэмтэд 2008 оноос хойш уг төсөл дээр ажилласан бөгөөд хотыг 2050 онд Сан-Франциско хотын эргээс холгүйхэн байгуулахаар болжээ.